տուն Հասարակություն Մաքսային ծառայությունը «Շիրակ» օդանավակայանում 24-ի փոխարեն անցել է 8- ժամյա գրաֆիկի

Մաքսային ծառայությունը «Շիրակ» օդանավակայանում 24-ի փոխարեն անցել է 8- ժամյա գրաֆիկի

453
0

ՀՀ պետական եկամուտների կոմիտեի մաքսային ծառայությունը Գյումրիի «Շիրակ» օդանավակայանում 24-ժամյա ծառայության գրաֆիկից անցել է 8-ժամյա գրաֆիկի:

«2019-ի սկզբին կառուցվածքային փոփոխություններ են կատարվել ողջ համակարգում: Նախկինում գոյություն ունեցող 1-2-հոգիանոց բոլոր բաժինները վերացվել են:

Օրինակ՝  «Շիրակ» օդանավակայանը սպասարկում է մեկ չվերթ: Այդ մեկ չվերթը սպասարկելու համար մաքսային մարմիններն իրականացնում էին 24-ժամյա ծառայություն՝ 4 հերթափոխով:

Չվերթը սպասարկելու համար օդանավակայանում լինում էր 5 հոգի: Մենք վերացրեցինք 24-ժամյա ծառայությունը, հիմա 8-ժամյա գրաֆիկի ենք անցել օդանավակայանում, որտեղ ունենք 6 աշխատող և 1 ղեկավար»,-լրագրողների հետ այսօրվա հրավիրված հանդիպմանը ասաց  ՊԵԿ նախագահի տեղակալ Շուշանիկ Ներսիսյանը:

Նա վստահեցրեց, որ երբ օդանավակայանում չվերթներն ավելանան, աշխատանքները կհարմարեցնեն դրան:

Ներսիսյանը հիշեցրեց, որ վերջին 1 տարվա ընթացքում մաքսային մարմիններն արդեն 3 անգամ կազմակերպել են թափուր հաստիքների համալրման մրցույթներ: Նրա խոսքով՝ նախկինում լավագույն դեպքում մի քանի հաստիքի համար տարեկան մեկ մրցույթ է հայտարարվել, իսկ 2015-ին ընդհանրապես մրցույթ չի հայտարարվել:

Ներկայում ընդմիջումների ժամերին մաքսային մարմինները շարունակում են սպասարկել քաղաքացիներին: