Մարտ ամսին բարձրաստիճան պաշտոնայները պարգևավճար չեն ստանալու, և այդ գումարները օգտագործվելու են կորոնավիրուսի դեմ պայքարի շրջանակում ծրագրերի համար: Այս մասին վարչապետը հայտնեց ֆեյսբուքի ուղիղ եթերում՝ պատասխանելով քաղաքացիների հարցերին:
«Իմ որոշմամբ մարտ ամսին պետական բարձրաստիճան պաշտոնյաները պարգևավճար չեն ստանում, և այդ գումարն ուղղվում է մեր հակաճգնաժամային միջոցառումներին: Սակայն դա ավելի շատ սիմվոլիկ է, քանի որ այդ գումարն իր ֆիզիկական արժեքով չնչին գումար է»,-ասաց Փաշինյանը:
