Մարսելի ոստիկանությունը վերացրել է քաղաքում գոյություն ունեցող գնչուների ամենամեծ բնակավայրը: Այն ուներ 300-ից 400 բնակիչ: Բնակավայրը գոյություն ունեցավ ուղիղ մեկ տարի. այն հիմնվել էր անցած տարվա հոկտեմբերին: Աղբանոցին հարակից ավանի վերացման մասին որոշումը ընդունվել էր երկու ամիս առաջ, և բնակիչներին տարածքը լքելու ժամանակ էր տրվել:
Մարսել քաղաքում բնակվում է մոտ 1,5 հազար գնչու, իսկ Բուշ-դու-Ռոն դեպարտամենտում, որի մայրաքաղաքն է Մարսելը, հաշվառվում է մոտ 2 հազար գնչու:
