Այսօր կայացավ ՀԱԿ նախաձեռնած երթը` նվիրված մարդու իրավունքների պաշտպանության օրվան: Երթը բավական բազմամարդ էր: Երթին մասնակցում էր ՀԱԿ ղեկավարությունը` Լեվոն Զուրաբյանը, Արամ Մանուկյանը, Գագիկ Ջահանգիրյանը, ինչպես նաև ՀԺԿ ղեկավար Ստեփան Դեմիրճյանը: Բացի ՀԱԿ կողմնակիցներից, երթին էին միացել նաև Շանթ Հարությունյանին ազատ արձակելու պահանջով հանդես եկող քաղաքացիներ` «Բոլորս Շանթ ենք», «Մի վաճառիր քո իրավունքը» և այլ կարգախոսներով պաստառներով, ազատամարտիկներ և ակտիվ քաղաքացիներ: Երթի մասնակիցները նամակ հանձնեցին Հայաստանում ԵԽԽՎ ներկայացուցչին և երթն ավարտեցին Ազատության հրապարակում:
