«Մանչեսթեր Յունայթեդը» լուրջ կորուստներով է մոտենում Անգլիայի Պրեմիեր լիգայի 5-րդ տուրի «Լեսթերի» դեմ խաղին:
Sky Sports պարբերականի տեղեկությունը փոխանցում է vnews.am-ը:
Ըստ տեղեկության՝ հանդիպումը մկանային վնասվածքների պատճառով բաց կթողնեն Պոլ Պոգբան, Անտոնի Մարսիալը և Լյուկ Շոուն: Պոգբան դեռ 2 շաբաթ առաջ էր վնասվածք ստացել ու չէր մասնակցել Ֆրանսիայի հավաքականի խաղերին, իսկ Մարսիալն ու Շոուն վնասվածք են ստացել մարզման ժամանակ:
«Մանչեսթեր Յունայթեդը» Պրեմիեր լիգայի ընթացիկ խաղարկությունն այնքան էլ հաջող չի մեկնարկել: Առաջին տուրում «Չելսիին» ջախջախելուց հետո «Յունայթեդն» այլևս հաղթանակ չի տարել՝ գրանցելով 2 ոչ-ոքի և 1 պարտություն:
