Բելգիայի հավաքականի կիսապաշտպան Մարուան Ֆելայնին Մունդիալ 2014-ից հետո կլքի «Մանչեսթեր Յունայթեդը»: Այս մասին հաղորդում է Daily Mail-ը:
Անգլիական ակումբի նոր գլխավոր մարզիչ Լուի վան Գալը ակումբի ղեկավարության հետ համատեղ որոշում է ընդունել վաճառել 26-ամյա կիսապաշտպանին, ում համար անցած մրցաշրջանում «մանկունյանցիները» 27 միլիոն ֆունտ էին վճարել անգլիական Էվերթոնին:
«Էվերթոնն» ու «Նյուքասլը» հետաքրքրված են Ֆելայնիի տեղափոխությամբ, սակայն պատրաստ չեն նրա համար 12 միլիոն ֆունտից ավելին վճարել: Հնարավոր է համարվում նաև խաղացողին վարձավճարով տրամադրելու տարբերակը:
