Բրազիլիայի Մանաուս քաղաքում, որը հյուընկալելու է 2014թ. ֆուտբոլի աշխարհի առաջնության խաղերը, փլվել է մարզադաշտի տանիքը։ Զոհվել է այնտեղ աշխատող բանվորներից մեկը՝ 22-ամյա մի երիտասարդ, ով ընկնելով 35 մ բարձրությունից՝ մահացել էր։
Հիշեցնենք, որ Բրազիլիայում սա առաջին ողբերգական ավարտ ունեցող դեպքը չէ 2014 աշխարհի առաջնության համար կառուցվող մարզադաշտերի շինարարության պատմության մեջ։ Ավելի վաղ դարձյալ բանվոր էր մահացել Բրազիլիայի Սան Պաուլու քաղաքում, որտեղ նոյեմբերի 27-ին վերամբարձ կռունկն էր շրջվել նրա վրա։
