Սառան 11 տարեկան է, երկու ամիս առաջ մայրը նրանից հրաժարվել է ու տարել Երևանի Մարի Իզմիրլյանի անվան մանկատուն: Երեխան դպրոց չի հաճախել, նաեւ մտավոր հետամնացություն ունի: Սկզբում ընդհանրապես չէր խոսում, հիմա լոգոպեդի օգնությամբ սկսել է բառեր ասել:
«Տանը երեխան գտնվել է բարձիթողի վիճակում: Ծնողներն ամուսնալուծված են: Նա ապրում էր մոր, տատիկի, պապիկի հետ: Նրա կրտսեր քրոջը հայրն է պահում»,- ասում է մանկատան փոխտնօրենը:
Ընտանիքի անդամները պատաճառաբանում են, որ ապրել են Գորիսի շրջանի գյուղերից մեկում, որտեղ դպրոց չի եղել: Սակայն մանկատանը համարում են, որ դա պատճառ չէ, քանի որ 11 տարեկան երեխան ոչնչից ինֆորմացված չէ: Այս ընթացքում լոգոպեդները աշխատում են խոսքի վրա, որպեսզի սեպտեմբերից հնարավոր լինի նրան ուղարկել առաջին դասարան:
Սառայի հայրն ի սկզբանե հայրություն չի ճանաչել, իսկ հիմա ուզում է ծնողական իրավունքներ ստանձնել երեխայի նկատմամբ: Ներկայում պատրաստվում են համապատասխան փաստաթղթերը: Նա մանկատանը կմնա այնքան ժամանակ, մինչեւ այդ բոլոր հարցերը լուծվեն:
Շարունակելի
Անի Պետրոսյան
