Ուկրաինայի ոստիկանության հատուկ ջոկատայիններին չի հաջողվել մաքրել Կիևի մայդանը ցուցարարներից և վրանային քաղաքից։ Թեպետ ոստիկանությունը կարողացել է քանդել որոշ բարիկադներ, սակայն Մայդանի մեծ մասը մնացել է ցուցարարների վերահսկողության տակ։ Այս պահին Մայդանում կա մոտ 25 հազար ցուցարար։
Korrespondent.net-ը տեղեկացնում է, որ այս պահին ոստիկանության և ընդդիմության միջև տեղի են ունենում բանակցություններ։ Հաղորդվում է նաև ցուցարարների թվի աճի մասին։ Հայտնի է նաև, որ Մայդանը գրեթե բոլոր կողմերից շրջափակվում է, չեն աշխատում մետրոյի հարակից կայարանները, որպեսզի եվրաինտեգրման կողմնակիցները չկարողանան միանալ ցուցարարներին։
Այստեղ կարող եք հետևել Մայդանից ուղիղ հեռարձակմանը։
