Գոլանի բարձունքներում տեղակայված ՄԱԿ-ի խաղաղապահ ուժերի ներկայացուցիչ Կարլ կամպուն, ով 8 ամիս շարունակ գտնվում էր սիրիացի գրոհայինների մոտ որպես պատանդ, ազատության մեջ է։ Այս մասին հաղորդում է ITAR-TASS-ը։
«Պարոն Կամպուն հենց նոր փոխանցվել է Միավորված Ազգերին և հիմա գտնվում է մեզ մոտ», — ասել է ՄԱԿ-ի գլխավոր քարտուղարի պաշտոնական ներկայացուցիչ Մարտի Նեսիրկին։ Սիրիական լրատվամիջոցների փոխանցմամբ՝ Կամպուն փախել է պատանդությունից, սակայն ՄԱԿ-ի ներկայացուցիչն այս տեղեկութոյւնը չի հաստատել․ «Մենք գոհ ենք, որ Կարլ Կամպուն ազատության մեջ է։ Գլխավոր քարտուղարն ուրախ է այս լուրի համար, նա հետևում էր զարգացումներին վերջին մի քանի ամիսների ըթնացքում»։
