Միավորված ազգերի կազմակերպությունը կոչ է արել համաշխարհային հանրությանն անհրաժեշտ միջոցներ հավաքել Ֆիլիպիններում ավերիչ փոթորիկից տուժածներին օգնելու համար: Այս մասին հաղորդում է BBC-ն:
ՄԱԿ-ի հումանիտար օգնության ցուցաբերման համակարգող Վալերի Ամոսն ասել , որ անօթևաններին մնացածներին օգնություն ցուցաբերելու համար անհրաժեշտ է 300 մլն դոլար: Նա նշել է, որ այսօր օգնությունը շատ դանդաղ է հասնում աղետի գոտի:
Իշխանությունների գնահատականով` միայն Տակլոբան քաղաքում զոհերի թիվը կարող է կազմել մոտ 10 հազար մարդ: Հարյուր հազարավոր մարդիկ լքել են իրենց բնակավայրերը: Ընդհանուր առմամբ, Ֆիլիպիններում փոթորիկից տուժել է 4 միլիոն մարդ:
