Մադոննան այս տարի բոլորից շատ է վաստակել

Աշխարհում ամենաբարձր վարձատրվող երաժիշտը, ըստ Forbes ամսագրի, Մադոննան է: Նա 2013-ին վաստակել է 125 միլիոն դոլար:

Forbes-ի աղյուսակում երկրորդ և երրորդ տեղերը զբաղեցրել են Լեդի Գագան և Բոն Ջովին: Նրանց եկամուտը կազմել է համապատասխանաբար 80 և 79 միլիոն դոլար:

Forbes-ը նշել է, որ Լեդի Գագան հնարավորություն ուներ շրջանցել Մադոննային, սակայն  նրա շատ համերգային շրջագայություններ չեղյալ են հայտարարվել երգչուհու ծնկի վնասվածքի պատճառով: