Ճապոնիայի կառավարությունը նախատեսում է ազգայնացնել մեծ հեռավորության վրա գտնվող շուրջ 280 կղզիներ, որոնք թույլ են տալիս հստակեցնել այդ երկրի տարածքային սահմանները։ Այս մասին գրում է The Japan news-ը։
Երեքշաբթի օրը երկրի կառավարությունը որոշում է կայացրել գտնել այդ կղզիների բոլոր սեփականատերերին։ Եթե որոշ կղզիների սեփականատերեր չհայտնաբերվեն, ապա դրանք կհռչակվեն Ճապոնիայի սեփականություն։ Կառավարությունն այս որոշումը հիմնավորել է ազգային անվտանգության ամրապնդման անհրաժեշտությամբ, ինչպես նաև ծովային տարածքների հստակեցմամբ։
