Ճապոնիայի Տիբա նահանգի Նագարեյամա քաղաքում որոշել են սիրո սերտիֆիկատներ տրամադրել: Ստանալով այս փաստաթուղթը` սետիֆիկատում անհրաժեշտ է գրել սիրահարի անունը, նշել սիրահարների առաջին հանդիպման օրը, ինչպես նաև պատասխանել մի քանի հարցերի, այդ թվում` արդյոք հայցողը նախկինում սիրահարված է եղել: Հատկանշական է, որ սերտիֆիկատը ստանալու համար ամենևին պարտադիր չէ ունենալ փոխադարձ սեր, քանի որ որոշ կետեր կարելի է չլրացնել:
Այս փաստաթուղթն իրավական ուժ չունի: Սակայն այս քայլով իշխանությունները փորձում են նպաստել ամուսնություների և ծնելիության թվի բարձրացմանը: Առայժմ հայտնի չէ, թե քանի հոգի է դիմել Բագարեյամայի իշխանություններին այս սերտիֆիկատները ստանալու համար: Սերտիֆիկատի էլեկտրոնային տարբերակը գտնվում է համացանցում, այն կարելի է տպել ինքնուրույն:
