Ղրիմում այսօր սկսվել է Ղրիմի թաթարների արտահերթ ժողովը՝ Կուրուլտայը։ Այս մասին հաղորդում է «Ուկրաինսկայա պրավդա»-ն։
Այս անգամ համագումարն ընթանում է Բախչիսարայում, թեպետ, ավանդաբար, պատվիրակները հավաքվում էին Սիմֆերոպոլում։ Բանն այն է, որ թաթարները մտահոգված են, որ պրոռուսական ուժերը Սիմֆերոպոլում կարող են կազմակերպել սադրանքներ։ Այսօրվա համագումարում քննարկվելու է Ղրիմում ստեղծված իրավիճակը։
Ղրիմի թաթրների մեջլիսի ղեկավար Ռեֆաթ Չուբարովը հայտարարել է, որ իրենք ցանկանում են Ղրիմում ստեղծել Ղրիմի ժողովրդի ազգային-մշակութային ինքնավարություն։ «Մենք խնդրում ենք կուրուլտային մեզ արտոնել դիմելու բոլոր պետությունների և այն երկրների կառավարություններին, որոնք ունեն ազգային հանրապետություններ։ Մենք լավ ենք ուսումնասիրել Ռուսաստանի եւ նրա կազմում գտնվող հանրապետությունների սահմանադրությունները, և կպահանջենք ապահովել Ղրիմի թաթար ժողովրդի ինքնորոշման իրավունքը», — ասել է Չուբարովը։
