Բաղրամյան պողոտայում, նախագահականից ներքև, հրմշտոց է սկսվել ակցիայի մասնակիցների և ոստիկանների միջև: Ոստիկանները ամեն կերպ փորձում են խոչընդոտել ակցիայի մասնակիցներին` շարժվել դեպի նախագահական: Ինչպես հայտնում է Araratnews-ի թղթակիցը, Երևանի փոխոստիկանապետ Վալերի Օսիպյանը նույնպես Բաղրամյան պողոտայում է և թույլ չի տալիս ակցիայի մասնակից շուրջ երկու տասնյակ կին ազատամարտիկներին անցկացնել իրենց բողոքի երթը: Կին ազատամարտիկները միացել են այսօրվանից նախագահական նստավայրի մոտ նստացույց հայտարարած Պարույր Հայրիկյանին: Նշենք, որ ակցիայի մասնակիցները շարժվում են մայթով և չեն խանգարում փողոցի երթևեկությանը:
