«Հրապարակ». Թբիլիսիում կհիմնադրվի «Սիվիլիթաս»-ի գրասենյակ

««Սիվիլիթաս» հիմնադրամը, որի ստեղծումը կապվում է Վարդան Օսկանյանի անվան հետ, «փողերի լվացման» գործից հետո այլևս նախկին աշխույժը չէ։ Այդ աշխուժությունը, ըստ մեր աղբյուրների, փոխանցվել է Ստամբուլում վերջերս հիմնադրված նոր, ավելի մեծ գրասենյակին, ևս մեկ գրասենյակ առաջիկայում կհիմնադրվի Թբիլիսիում՝ տեղեկացրեց մեր զրուցակիցը։

Ի դեպ, այս օրերին Բրյուսելում գտնվող Օսկանյանը բանակցում է Եվրոպայի ռեֆորմիստների ու պահպանողականների կուսակցության հետ ԲՀԿ անդամակցության շուրջ։ Հիշեցնենք, որ վերջերս այդ կուսակցությանն է անդամակցել նաև Էրդողանի կուսակցությունը՝ դուրս գալով ԵԺԿ-ից, որպեսզի առավել փոքրաթիվ ԵՌՊ-ում ունենա իշխող դերակատարություն, և առաջիկա նախագահական ընտրություններում, որով Թուրքիան վարչապետական համակարգից անցում է կատարում նախագահականի, եվրոպական այդ կուսակցությունը գործուն աջակցություն հանդես բերի»,–գրում է թերթը։
Մանրամասները՝ թերթի այսօրվա համարում։