Ինչպե՞ս կմեկնաբանեք պաշտոնյաների պատասխանները Աստանայում Նազարբաեւի հայտնի հայտարարության վերաբերյալ, ի՞նչ ճակատագիր է Ղարաբաղին սպասվում Եվրասիական միությունում. երեկ այս հարցից Գալուստ Սահակյանը նեղսրտել է, շրջանցել հարցը. «Իրականում իրավական տեսանկյունից Հայաստանը Ղարաբաղը ճանաչելու գործիքներից չի օգտվել, եւ այդ մասին բազմիցս խոսել է նախագահը։ Մենք բոլորս, դուք էլ մեր հետ միասին, Ղարաբաղը մեր արժեւորման պարագայում անկախ է, Հայաստան է, եւ պետք չէ նման մեծ հարցադրում անել, որովհետեւ այն, ինչը որ հետագայում որոշման առիթ է դառնում, դա բազմաթիվ քննարկումների արդյունք է, ես չեմ կարծում, որ Աստանայում ինչ-որ բան է տեղի ունեցել, որ շրջադարձային ինչ-որ բաներ պետք է հետեւեն դրան»:
Գրում է «Հրապարակ» օրաթերթը
