Հունիսի 8-ին կայանալիք Գորիսի քաղաքապետի ընտրություններում կկրկնվի Տավուշի Բերդ քաղաքի պատմությունը, որտեղ ՀՀԿ կառույցը պաշտպանում էր ՀՀԿ-ական Անդրանիկ Շառոյանին` մարզպետ Ղուլարյանի բարձր հովանու ներքո, սակայն 3 անգամ ավելի ձայներով հաղթեց մեկ այլ ՀՀԿ-ական` Հարություն Մանուչարյանը, որին իրականում սատարում էին ՀՀԿ-ականները: «Գորիսի հայտնի դեպքերից հետո Սուրեն Խաչատրյանն այնքան վարկաբեկված է, որ նրա սատարած որեւէ թեկնածու հնարավոր չէ հաղթի, ուստի ՀՀԿ-ն պահեստային տարբերակով է առաջ շարժվել, իրական հաղթողը կարող է լինել Տիգրան Կարապետյանը, որովհետեւ առանց Սերժ Սարգսյանի գիտության «Գորիս գամմա» ԲԲԸ-ի տնօրենը չէր առաջադրվի ՀՀԿ-ի թեկնածուի դեմ»,- ասաց մեր զրուցակիցը: Հիշեցնենք, որ վերջերս Սյունիք կատարած այցի ժամանակ Սերժ Սարգսյանն անցելել էր նաեւ Տիգրան Կարապետյանի գործարան: Եվ եթե դրան էլ գումարում ես Կարապետյանին սատարող Բուդաղյանների ընտանիքի հանգամանքը, ապա հասկանալի է դառնում, թե Լիսկայի թեկնածուի հաղթանակի շանսերն ինչպիսին են: Ի դեպ, մեր տեղեկություններով, Արա Բուդաղյանը չի հանել իր թեկնածությունն այս փուլում, որ վերջին պահին իր ձայները տա Տիգրանին:
Գրում է «Հրապարակ» օրաթերթը
