Հրայր Թովմասյանն ինքն է ուզում, որ ՍԴ շուրջ հարցը դառնա քաղաքական: Այս մասին այսօր ԱԺ ճեպազրույցների ժամանակ ասաց «Իմ քայլը» խմբակցության պատգամավոր Հովաննես Իգիթյանը:
«Մենք ուզում ենք լուծել սահմանադրական ճգնաժամի, ոչ թե Հրայր Թովմասանի հարցը: Բայց նույն Հրայր Թովմասյանն անընդհատ անում է քաղաքական հայտարարություններ և սրանով փորձում է հարցը քաղաքականացնել: Մենք մեր կողմից փորձում ենք ամեն ինչ անել, որ հարցը նայվի իրավական հարթակներում»,- ասաց Իգիթյանը:
