Այսօր հրաժարական է տվել Կենտրոնական Աֆրիկայի Հանրապետության նախագահ Միշել Ջոտոդիան : Այս մասին հաղորդում է France Presse գործակալությունը:
Ջոտոդիան նախագահ է դարձել 2013 թվականի մարտին պետական հեղաշրջման արդյունքում: Նախորդ նախագահ Ֆրանսուա Բոզիզեն լքել է երկիրը` տեղափոխվելով արտասահման: Մինչ նախագահ հռչակվելը, Ջոտոդիան ղեկավարում էր ապստամբական «Սելեկա»խմբավորումը:
Ջոտոդիան իսլամ է դավանում, և նրա կողմից կազմակերպված հեղաշրջումից հետո շատացան բախումները քրիստոնյաների և մուսուլմանների միջև: Անցած տարվա դեկտեմբերից այս բախումների զոհ է դարձել ավելի քան 600 մարդ: Իսկ ՄԱԿ-ը միջազգային խաղաղապահ զորքեր մտցրեց այդ հանրապետություն:
