Հռոմի Պապ Ֆրանցիսկոս Առաջինը Իրաքի, Սիրիայի, Լիբանանի և Եգիպտոսի եպիսկոպոսություններին հայտնել է, որ Վատիկանն ամենևին էլ համաձայն չէ տեսնել մի այնպիսի Մերձավոր Արևելք, որտեղ չեն լինի քրիստոնյաներ:
Հռոմի պապը մտահոգություն է հայտնել Մերձավոր Արևելքում քրիստոնյաների ճակատագրով, որոնք իրենց մաշկի վրա են զգում այդ տարածաշրջանում ներքաղաքական զարգացումների հետևանքները: Նա նշել է, որ քրիստոնյաներից քավության նոխազ են սարքում` նրանց վրա բարդելով արևմտյան որոշ պետությունների «մեղքերը»:
«Սիրիան, Իրաքը, Եգիպտոսը և Սուրբ հողում այլ վայրերը հաճախ պատվում են մարդկային արցունքներով», — ասել է Հռոմի պապը: Այս մասին հաղորդում է Rosbalt-ը:
