Հավաքական անվտանգության պայմանագրի կազմակերպության երկրների ղեկավարները հաստատել են Բելառուսի ներկայացուցիչ Ստանիսլավ Զասին կազմակերպության գլխավոր քարտուղարի պաշտոնում 2020 թվականի հունվարի 1-ից նշանակելու հարցը: Այդ մասին հայտարարել է կազմակերպության գլխավոր քարտուղարի պաշտոնակատար Վալերի Սեմերիկովը Բիշքեկում՝ Հավաքական անվտանգության պայմանագրի կազմակերպության գագաթնաժողովում:
«Այսօր պետությունների ղեկավարները շնորհավորել են Ստանիսլավ Զասին 2020 թվականի հունվարի 1-ին ՀԱՊԿ գլխավոր քարտուղարի պաշտոնը ստանձնելու կապակցությամբ»,- ասել է նա:
Ըստ Սեմերիկովի՝ կազմակերպության նախագահությունը անցնում է Բելառուսին՝ ՀԱՊԿ հաստատված կանոնների համաձայն. այն երկրները, որոնց ներկայացուցիչները ղեկավարում են այդ դաշինքը, փոխարինվում են այբբենական կարգով:
