1985 թվականից ի վեր ամեն տարի հունիսի 27-ը նշվում է որպես Ձկնորսության համաշխարհային օր: Տոնը հիմնվել է ձկնորսության կարգավորման եւ զարգացման միջազգային համաժողովի ժամանակ, որը կայացել է 1984 թվականի հուլիսին Հռոմում:
Այդ օրն աշխարհի բազմաթիվ երկրներում տարաբնույթ մրցույթներ, ուսուցողական եւ ճանաչողական սեմինարներ են անցկացվում: Ժամանակի ընթացքում մարդիկ ավելի ու ավելի լավ են հասկանում, որ ձկնորսությունը հոգեւոր եւ ֆիզիկական ուժերն ամրապնդելու հրաշալի միջոց է:
