Հորդանանը կդառնա ՄԱԿ-ի անվտանգության խորհրդի ոչ մշտական անդամ Սաուդյան Արաբիայի փոխարեն, որը հրաժարվել է այդ տեղից անցած ամիս տեղի ունեցած ընտրություններից հետո: Այս մասին հաղորդում է Associated Press գործակալությունը` հղում կատարելով դիվանագիտական շրջանակներին:
Աղբյուրը հաղորդում է, որ ՄԱԿ-ում Հորդանանի պատվիրակը վերադարձել է հայրենիք քննարկելու համար այս առաջարկը երկրի ղեկավարության հետ:
Հիշեցնենք, որ Սաուդյան Արաբիան Չիլիի, Նիգերիայի, Լիտվայի և Չադի հետ մեկտեղ ընտրվել էր ՄԱԿ-ի ոչ մշտական անդամ, Սակայն հրաժարվել է դրանից, քանի որ ՄԱԿ-ին մեղադրել է «կրկնակի ստանդարտների» և միջազգային խնդիրների ոչ արդյունավետ լուծման մեջ:
