Նիդերլանդների իշխանությունները քննարկում են օրինագիծ, որը բանտարկյալներին կստիպի զբաղեցրած բանտային խուցերի համար վարձ վճարել,- հաղորդում է BBC-ն:
Երկրի կառավարությունը մտադիր է բանտարկյալներից օրեկան 16 եվրո գումար գանձել՝ առավելագույնը երկու տարվա ընթացքում: Դա վարձույթի իրական արժեքի 7%-ը կկազմի:
Մեկ այլ քննարկվող օրինագծի համաձայն բանտարկյալները փոխհատուցում կվճարեն անցկացված հետաքննության և դատական լսումների համար:
Նշենք, որ անցած տարի Նիդերլանդները հայտնել էին բյուջետային կրճատումների նպատակով մոտ 20 բանտ փակելու մասին:
