Այսօր առավոտյան Հնդկաստանի հարավային մասում ուղևորատար գնացքի վագոններից մեկում բռնկված հրդեհի հետևանքով զոհվել է առնվազն 23 մարդ, ևս 9 մարդ ստացել է տարբեր աստիճանի այրվածքներ։ Այս մասին հաղորդում է RIA-Novosti գործակալությունը՝ հղում կատարելով հնդկական NDTV հեռուստաալիքին։
Նույն աղբյուրի համաձայն, Բանգալոր ուղևորվող գնացքի այրված վագոնում եղել է 72 մարդ։ Շատ ուղևորներ դուրս են թռչել պատուհանից։ Բռնկման պատճառն անհայտ է։
