Ինչպես տեղեկացնում է The Syndey Morning Herald-ը, ավստրալացի դերասան Հյու Ջեքմանի մոտ հայտնաբերվել է մաշկի քաղցկեղ։ Այս մասին հայտնել է հայտնի դերասանը՝ Twitter-ի իր էջում տեղադրելով քթի վիրակապով իր լուսանկարը։
«Դեբը (դերասանի կինը — խմբ․) ասել է, որպեսզի ստուգեմ քթիս վրայի բիծը։ Պատկերացրեք, որ նա ճիշտ էր։ Ինձ մոտ բազալիոմա է հայտնաբերվել։ Խնդրում եմ՝ մի հետևեք իմ վատ օրինակին։ Ժամանակին ստուգվեք և օգտագործեք արևայրուքից պաշտպանող քսուկ», — գրել է նա։ Դերասանը չի նշել, թե ինչ փուլում է գտնվում հիվանդությունը։
