Ինչպես արդեն հայտնել էինք «Հրաչ Մուրադյան, արդարության պահանջ» շարժումը և ՀՅԴ-ն երթով շարժվել էին դեպի նախագահական նստավայր: Րոպեներ առաջ երթի մասնակիցները նախագահականի դիմաց ընթերցեցին իրենց նամակն` ուղղված Սերժ Սարգսյանին, որով պահանջում էին Սերժ Սարգսյանից գործի քննությունը վերցնել իր հսկողության տակ: Նախագահականից Արմեն Ռուստամյանին մոտեցած ներկայացուցչին հանձնվեց նամակը, վերջինս էլ հավաստիացրեց, որ նամակը կհասնի հասցեատիրոջը: Արմեն Ռուստամյանը շեշտեց, որ սրանով չեն սահմանափակվելու և առաջիկայում ևս հետևելու են գործի ընթացքին: Երթն ավարտվեց:
