Հայաստանում կա վարդերի բացառիկ ջերմոց, աշխարհի համար բացառիկ ջերմոց: Այս մասին ԱԺ տարածքային կառավարման և տեղական ինքնակառավարման, գյուղատնտեսության և բնապահպանության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստի ժամանակ ասաց Արագածոտնի մարզպետ Դավիթ Գևորգյանը:
«Այդ տեխնոլոգիաներով ու ծավալներով աշխարհում վարդերի ջերմոց չկա ընդհանրապես: Ամեն թփի համար հատուկ պայմաններ են ստեղծում, հատուկ խոնավության չափ: Եվ դա մեր ֆորումին ներկայացված ծրագիր էր»,- ընդգծեց մարզպետը:
Նորագույն տեխնոլոգիաներով արտադրվող վարդերն արտահանվում են:
