Ինչպես արդեն նշել ենք, ԱԺ արտահերթ նիստ քիչ առաջ չգումարվեց՝ քվորում չապահովվելու պատճառով: Հիշեցնենք, որ նիստում պետք է քննարկվեր պարտադիր կուտակային կենսաթոշակի համակարգի ներդրման հարցը:
ԱԺ փոխնախագահ Էդուարդ Շարմազանովը լրագրողներին ասել է, որ ՀՀԿ խմբակցության դիրքորոշման մասին լրացուցիչ հայտարարություն կանի խմբակցության ղեկավար Գալուստ Սահակյանը: Նա ավելացրել է, որ բոյկոտելը քաղաքական պայքարի ձև է:
Իսկ Հովիկ Աբրահամյանը հայտարարել է, որ գործում է 3-ժամյա ռեժիմը, եթե երեք ժամում ՀՀԿ-ն որոշի մասնակցել նիստին, քվորում կլինի: Մամուլում լուրեր են շրջանառվում այն մասին, որ ՀՀԿ-ն բոյկոտել է այն պատճառով, որ այսօր պետք է մասնակցի ՀՀԿ պատգամավոր Վարդան Այվազյանի դստեր հարսանիքին, ամբողջ կազմով, Սերժ Սարգսյանի գլխավորությամբ: Ինչպես գրում է մամուլը, հարսանիքին 800 մարդ է ներկա լինելու:
Էմմա Պալյան
