Կառավարության այսօրվա նիստում վարչապետ Տիգրան Սարգսյանը հայտարարեց, թե իրենք ծրագրեր են մշակել` պետծառայողների համար հիպոթեքային վարկերը 2014-ից հասանելի դարձնելու համար: Վարչապետի խոսքով` այսօր հիպոթեքային վարկով բնակարան ձեռք բերելու հիմնական խոչընդոտը պետծառայողների համար կանխավճարն է: «Կառավարությունը պատրաստ է տրամադրել երաշխիքներ այդ 30 տոկոսի չափով»,- նշեց Տ. Սարգսյանը: Կառավարության աշխատակազմի ղեկավար Վաչե Գաբրիելյանի գլխավորությամբ կստեղծվի խումբ, որը կկազմի այն պետծառայողների ցուցակը, ովքեր ցանկություն ունեն հիպոթեքով բնակարան ձեռք բերել:
