Ֆեյսբուքում ստեղծվել է «Ո՛չ արագաչափերին Գյումրիում» միջոցառում, որի նախաձեռնողները որոշել են պայքարել Գյումրիում արագաչափերի տեղադրման դեմ: Միջոցառման նկարագրության մեջ ասվում է.
«Հավաքվում ենք առավոտյան ժամը 10:40-ին Գյումրու «Սովխոզի խաչմերուկում», ժամը 11:00 ին հասնում ենք «Տանկվի չաստ»։
11:30 սկսում ենք ակցիան, ժողովո՛ւրդ դա անում ենք վաղը: Խնդրում եմ տարածել, մեզ գոնե 5 հոգի են պետք, մենակով էլ կարելի է անել ինչ-որ որոշել ենք, բայց մեզ գոնե 5 հոգի մարդ է պետք, որ արդյունավետ աշխատենք: Եկեք սպիտակ ներկերով, եթե չկա՝ ոչինչ: Նոյեմբերի 13-ը կարեւոր օր է, շատ վարորդներ չգիտեն արագաչափեի մասին ու անտեղի փող կմուծվեն Սաշիկի կազմակերպությանը: Սա էն դեպքն է որ մենք մեր քաղաքը պիտի պաշտպանենք!!!»:
Միջոցառման նախաձեռնողներից Հայկ Բարսեղյանը գրել է.
«Սա թող լինի խորհրդանշական առաջին «Տռաֆառետը», իշխանությունը կարող էր «Պարկած մլիցա» տեղադրեր, բայց որոշեց արագաչափ տեղադրի, որ Սաշիկի ջեբը լցնի: Մենք ամեն ինչ անելու ենք, որ մարդիկ չմուծվեն Սաշիկին ու իր կազմակերպությանը, հերիք եղավ արյուններս խմեք էլի, ելեք ռադ եղեք ձեր Թուրքիաները!!!»:
