Անհայտ տղամարդը ԱՄՆ-ի Հարավային Կարոլինա նահանգում պատանդ է վերցրել 5 մարդու, որից հետո սպանել է նրանց և ինքնասպան եղել։ Այս մասին տեղեկացնում է CNN հեռուստաալիքը։
Ոստիկանությունը տեղեկացրել է, որ բանակցել է հանցագործի հետ՝ փորձելով համոզել նրան հանձնել զենքը։ Այն բանից հետո, երբ ոստիկանները մերժում են ստացել, նրանք գրոհել են այն տունը, որտեղ պահվում են պատանդները և հայտնաբերել 6 մարմին, որոնցից երկուսը՝ երեխաներ են։
Այս պահին այլ տեղեկություն չի հաղորդվում և հայտնի չեն սպանության դրդապատճառները։
