2008 թվականին անկախություն հռչակած Հարավային Օսիան, որը մասամբ ճանաչում ստացավ ռուս-վրացական պատերազմից հետո, կարող է մտնել Ռուսաստանի կազմի մեջ: Նման հնարավորություն քննարկում են երկրի քաղաքական ուժերը:
Ռուսական Kommersant-ը գրում է, որ երկրի խոշորագույն «Միասնական Օսիա» կուսակցությունը դիմել երկրի նախագահ Լեոնիդ Տիբիլովին` կոչ անելով երկրում անցկացնել հանրաքվե, որի նպատակն է պարզել, թե արդյոք բնակչությունը ցանկանում է վերամիավորվել Հյուսիսային Օսիայի հետ: Առաջարկվում է հանրաքվեի հանել «Արդյոք դուք ցանկանում եք վերամիավորվել Հյուսիսային Օսիայի հետ` դառնալով ՌԴ մեկ միասնական սուբյեկտ»:
Երկրի ղեկավարությունն այս առաջարկի հետ համաձայն չէ և չի պատրաստվում նախաձեռնել նման հանրաքվե: Սակայն «Միասնական Օսիայում» ասում են որ պատրաստ են միայնակ զբաղվել այդ գործընթացով:
