Հարավային Սուդանում հակամարտող կողմերը հաշտության համաձայնագիր են ստորագրել

Հարավային Սուդանի նախագահ Սալվա Կիիրը և ապստամբների առաջնորդ Ռիեկ Մաչարը ստորագրել են զինադադարի համաձայնագիր։ Այս մասին հաղորդում է Reuters գործակալությունը։

Նշվում է, որ Կիիրը և Մարարը հանդիպել են առաջին անգամ այն բանից հետո, երբ երկրում դեկտեմբերի վերջից սկսվել են բախումները երկու հիմնական ցեղախմբերի միջև։ Երկու առաջնորդները սեղմել են միմյանց ձեռքը և միասին աղոթել։

Հիշեցնենք, որ բախումները սկսվել էին այն բանից հետո, երբ Հարավային Սուդանի նախագահ Սալա Կիիրի նկատմամբ իրականացվել է անհաջող մահափորձ։

Ավելի վաղ Միացյալ նահանգները սպառնացել էին, որ խիստ պատժամիջոցներ կկիրառեն Հարավային Սուդանի դեմ, եթե հակամարտող կողմերը չկնքեն հաշտություն։