Իրանի նախագահ Հասան Ռուհանին շնորհավորել է Վրաստանի նախագահ Գեորգի Մարգվելաշվիլուն այդ երկրի ամենաբարձր պաշտոնում ընտրվելու կապակցությամբ և հույս հայտնել, որ երկու երկրների միջև հարաբերությունները կխորանան:
«Սրտանց շնորհավորում եմ Ձեզ Վրաստանի նախագահի պաշտոնում ընտրվելու կապակցությամբ: Իրանի Իսլամական Հանրապետության և Վրաստանի միջև ամուր և երկարատև գործակցության ակունքները սկիզբ են առնում հնագույն միավորումներից և ընդհանուր մշակույթից: Հուսով եմ, որ երկու երկրների ղեկավարների համատեղ ջանքերի շնորհիվ կխորանա տարածաշրջանային և միջազգային համագործակցությունը տարբեր ոլորտներում», — հայտարարարել է Ռուհանին:
Հիշեցնենք, որ Մարգվելաշվիլու երդմնակալության արարողությունը կկայանա նոյեմբերի 17-ին:
