Բոսնիայի և Հերցեգովինայի հավաքականի հարձակվող Էդին Ջեկոն խոսել է Եվրո-2020-ի ընտրական փուլում Հայաստանի ընտրանուց կրած արտագնա պարտության մասին (2-4):
«Հաշիվը կարող էր այլ լինել: Ակնհայտ է, որ իմ նկատմամբ խախտում կար և պետք է 11-մետրանոց նշանակվեր, բայց մրցավարը մեղավոր չէ, որ պարտվեցինք հայերին:
Հենց սկզբից տպավորություն էր, որ օդում ենք, չէինք գտնում մեր խաղը: Ստացանք այն, ինչին արժանի էինք»,- «Ռոմայի» հարձակվողի խոսքերը փոխանցում է armsport.am-ը:
Հիշեցնենք, որ դրվագներից մեկում ֆուտբոլիստը դեղին քարտ ստացավ մրցակցի տուգանային հրապարակում սիմուլյացիայի դիմելու պատճառով:
