Ոստիկանության պետի տեղակալ Հայկ Մհրյանն այսօր ասուլիսում ասաց, որ կա սահմանափակում հանրային տրանսպորտի եւ տաքսիների համար: «Տաքսիների դեպքում կլինի երկու հոգու սահմանափակում, իսկ հասարակական տրանսպորտի համար՝ եթե նստելատեղերը զբաղեցված են, վարորդն իրավունք չունի ուղեւոր վերցնելու: Արդեն 92 ուղեւորի իջեցրել են»,- ասաց ոստիկանության ներկայացուցիչը:
Հիշեցնենք՝ կորոնավիրուսի տարածման պատճառով Հայաստանում արտակարգ դրություն է: Կա 265 հիվանդ, 16 բուժված: Պարետի որոշմամբ երեկվանից սահմանափակումներ են մտցվել:
