Ռուսական Лиза.ру կանանց համար նախատեսված առցանց ամսագիրը կազմել է «5 ամենացանկալի փեսացուներ, որոնց համար հերթ կկագնենք» խորագրով ցուցակը: Ցուցակում ներառված են երիտասարդ, հարուստ, խոստումնալից ռուսաստանցիները, որոնք դեռ չեն գտել իրենց երկրորդ կեսին:
Լավագույն հնգյակում ընդգրկվել է նաև Ресо-Гарантия ընկերության սեփականատեր Սերգեյ Սարկիսովի որդին՝ Սերգեյ Սարկիսով կրտսերը:
«Ես դեռ չեմ հանդիպել այն «միակին»: Այո, և ես դեռ չեմ ծրագրում ընտանիք կազմել, և հաջորդ 10 տարիների ընթացքում միայն բիզնեսով եմ զբաղվելու. ուզում եմ առավելագույն բարձունքների հասնել այն հարցում, որի պատասխանատվությունն ինձ վրա եմ վերցրել»,- ասել է կրտսեր Սարկիսովը:
Հրապարակման մեջ նշվում է, որ Սերգեյ Սարկիսովին հնարավոր է նվաճել միայն «պայծառ մտքով և նոր զիլ ստարտապ բացելու ցանկությամբ»:
Սարկիսով կրտսերն իր հոր ժառանգորդն է, Instagram-ում գրանցվել է «Սև արքայազն» (Black Prince) անունով, «Bentley և Ferrari է վարում ու ժամանակ անցկացնում Եգոր Կրիդի հետ»:
Հինգ նախանձելի փեսացուների շարքում են նաև Уралхим քիմիական ընկերության տնօրենների խորհրդի նախագահի որդին՝ ավտոարշավորդ Նիկիտա Մազեպինը, LetterOne և Alpha Group ներդրումային հոլդինգների համասեփականատեր Միխայիլ Ֆրիդմանի որդին՝ Ալեքսանդր Ֆրիդմանը, երգիչ Օլեգ Գազմանովի միջնեկ որդին՝ Ֆիլիպը, Газпром-Медиа-ի նախկին գլխավոր մենեջեր, Groupon Russia-ի գլխավոր տնօրեն Վադիմ Ֆեդոտովը:
