Հայ-թուրքկան հարաբերությունները որևէ կապ չունեն ղարաբաղյան հակամարտության կարգավորման հետ։ Այս մասին Ստեփանակերտում կայացած մամուլի ասուլիսի ժամանակ հայտարարել է ԵԱՀԿ Մինսկի խմբում ամերիկացի համանախագահ Ջեյմս Ուորլիքը։
Նրա խոսքերով, եթե Թուրքիան ցանկանում է որևէ դեր խաղալ, ապա պետք է հավասարապես դրական լինի բոլորի համար, հետապնդի տարածաշրջանում կայունություն, բարգավաճում և խաղաղություն հաստատելու նպատակ։
Հիշեցնենք, որ Մինսկի խմբի համանախագահներն այս օրերին այցելում են Բաքու, Երևան և Ստեփանակերտ։
