Քիչ առաջ Նոբելյան մրցանակի պաշտոնական կայքը հաղորդեց, որ «Ֆիզիկա» անվանակարգում այդ պատվավոր մրցանակները ստացել են բրիտանացի Փիթեր Հիգսն ու բելգիացի Ֆրանսուա Էնգլերը, որոնք կանխատեսել են Հիգսի բոզոնի գոյությունը` մի մասնիկի, որը պատասխանատու է ատոմում զանգվածի համար:
Ֆիզիկայի անվանակարգում մրցանակակիրների անունների հրապարակումը հետաձգվել էր մեկ ժամով, քանի որ, ըստ պաշտոնական կայքի, հանձնաժողովը դեռ որոշում չէր կայացրել: Սա հազվադեպ երևույթ է, երբ մրցանակակիրների անունների հրապարակումը հետաձգվում է:
Անցյալ տարի Ֆիզիկայի ոլորտում Նոբելյան մրցանակակիր էին դարձել ֆրանսիացի Սերժ Արոշը և ամերիկացի Դևիդ Ջեյն Վայնլենդը:
