Universal ընկերությունը հայտնել է Է.Լ. Ջեյմսի «Մոխրագույնի 50 երանգները» ստեղծագործության հիման վրա նկարահանվող ֆիլմի սցենարիստի անունը: Ֆիլմի սցենարիստ կլինի Օսկարի նոմինանտ Պատրիկ Մարբերը: Նախկինում նա մասնակցել է «Սկանդալային օրագիր» և «Մտերմություն» ֆիլմերի ստեղծմանը:
Նշենք, որ մի քանի օր առաջ հայտնի դարձավ, որ գլխավոր հերոսի դերակատարը դուրս է մնացել նախագծից: Այս պահին Universal ընկերությունը զբաղված է գլխավոր դերակատարի փնտրտուքով: Թեկնածուների շարքում նշվում են Ջեմի Դորնանը և Ալեքսանդր Սկարսգարդը: Հայտնի է, որ գլխավոր հերոսուհուն կմարմնավորի Դակոտա Ջոնսոնը:
