Գործող իշխանությունը, կարծես, տառապում է «հետապնդման մանիայով»: Երեկ կառավարության նիստում մի որոշում կայացվեց, որը հերթական անգամ ապացուցում է այդ պնդումը: ՀՀ «Գնումների մասին» եւ «Պետական եւ ծառայողական գաղտնիքի» մասին ՀՀ օրենքներում կառավարությունը առաջարկեց կատարել փոփոխություն, որի արդյունքում Ubpd Սարգսյանի, Հովիկ Աբրահամյանի եւ Տիգրան Սարգսյանի «կեցության, սննդի, եւ տրանսպորտային սպասարկման, ինչպես նաեւ արարողակարգերի իրականացման համար անհրաժեշտ ապրանքները, աշխատանքները եւ ծառայությունները ներառվելու են պետական կամ ծառայողական գաղտնիք պարունակող գնումների պլանում» (մեջբերումը կառավարության որոշման նախագծից-խմբ): Այս անհրաժեշտությունը կառավարությունը բացատրում է հետեւյալ կերպ, «…նշված անձանց անվտանգության լիարժեք ապահովման նպատակով անհրաժեշտ է նաեւ խիստ հսկողություն սահմանել եւ գաղտնիության պայմաններում իրականացնել նրանց սննդի ձեռքբերման, կեցության եւ տրանսպորտային սպասարկման, ինչպես նաեւ արարողակարգերի հետ կապված գործառնությունները»: Շատ դժվար t նորմալ տրամաբանությամբ բացատրել, թե ինչ կապ ունի նշված անձանց անվտանգությունն այն տեղեկատվության հետ, թե ասենք Սերժ Սարգսյանի համար պետական բյուջեի գումարներով քանի կիլոգրամ երշիկ է գնվում: Կամ՝ քանի լիտր բենզին է գնվում Հովիկ Աբրահամյանի մեքենայի համար: Կամ էլ՝ Տիգրան Սարգսյանի մասնակցությամբ արարողակարգային իրադարձության համար կոնյակը «եաիրի» է, թե «Ախթամար»: Բայց եթե նույնիսկ մի պահ մտածենք, որ Սերժ Սարգսյանի համար գնվող երշիկի քանակությունը կիլլերների համար հույժ կարեւոր ինֆորմացիա է, ապա այդ դեպքում էլ դժվար է պատկերացնել, որ մեր փոքր երկրում նրանք չեն կարողանա որեւէ այլ աղբյուրից ստանալ նշված տեղեկատվությունը: Այդ նույն տրամաբանությամբ դժվա՞ր է արդյոք կռահել, թե ով է մատակարարելու Հովիկ Աբրահամյանի բենզինը: Դե իսկ թե որ ֆիրման է արտադրում «եաիրի» կոնյակը, քվանտային ֆիզիկայի մակարդակի բարդության հարց է: Մի խոսքով, ակնհայտորեն գործ ունենք «հետապնդման մանիայի» հետ, քանի որ մինչ օրս չի եղել մի ինչ-որ ոտնձգություն նշված անձանց նկատմամբ, ինչը կարող Էր ստիպել այդ օրենքներում նման փոփոխություններ կատարել:
«Հետապնդման մանիան» դատարկ տեղը չի առաջանում: Հոգեբաններն ասում են, որ դրա համար որոշակի «հոդ Է» պետք: Մասնավորապես, մարդու մոտ «հետապնդման մանիայի» առաջանալու համար պարարտ հոդ Է հանդիսանում այն զգացումը, որ իրեն բոլորը ատում են, բոլորը ուզում են իրենից ազատվել: Այս առումով գործող իշխանության մեջ «հետապնդման մանիա» առաջանալու համար հողը, մեղմ ասած, պարարտ Է: Եթե այսպես երկար շարունակվի, Սերժ եւ Տիգրան Սարգսյանները, Հովիկ Աբրահամյանը եւ այլոք տանից աշխատավայր հասնելու համար կսկսեն թունելներ փորել, որպեսզի դրանցով շարժվեն իրենց սպասարկող զրահամեքենաները:
