Մոտ մեկ ամիս է թուրքական դիվանագիտությունը ձեռնամուխ է եղել, ինչպես վերջերս ւրագրողների հետ զրույցում արտահայտվեց Թուրքիայի ԱԳ նախարար Ահմեդ Դավու- թօղլուն, «կրեատիվ» գաղափարներ աոաջարկելու գործին՝ կապված հայ-թուրքական հարաբերությունների կարգավորման հետ: Տարիներ շարունակ մոռացված խոսակցությունը Հայաստանի եւ Թուրքիայի միջեւ սահմանի բացման մասին նորից դրվել Է շրջանառության մեջ: Հիմա էլ թուրքական կողմն Է խիստ շահագրգռված, որ ձախողված հայ-թուրքական արձանագրությունները հարություն առնեն եւ ինչ-որ պրոցես կամ ծայրահեղ դեպքում պրոցեսի իմիտացիա ստեղծվի:
Ահմեդ Դավութօղլուն, ըստ թուրքական թերթերի, հոկտեմբերին Շվեյցարիա կատարած իր այցի ընթացքում Շվեյցարիայի նախագահին խնդրել Է «աջակցություն ցուցաբերել Հայաստանին ու Ադրբեջանին ԼՂ հիմնախնդրի կարգավորման հարցում, ինչը Անկարային թույլ կտա հարաբերություններ հաստատել Երեւանի հետ»: Դավութօղլուն ասել Է, որ եթե Հայաստանը գրավյալ տարածքներից զորքերի դուրս բերման հստակ ժամկետ նշի եւ դրա հետ համաձայնի Ադրբեջանը, Թուրքիան պատրաստ Է կյանքի կոչել 2009 թվականին Ցյուրիխում ստորագրված հայ-թուր- քական արձանագրությունները: Ըստ թուրքական թերթերի, Դավութօղլուն Շվեյցարիայի իշխանություններին խնդրել Է Հայաստանի ղեկավարությանը համոզել նման քայլի գնալ: Թուրքական թերթերը նաեւ գրում են, որ իրենց դիվանագիտական աղբյուրների պնդմամբ, այդ դեպքում Ադրբեջանը դեմ չի լինի հայ-թուրքական սահմանի բացմանը: Թուրքական դիվանագիտական այս հնարքները տվյալ դեպքում ուղղակի կապ ունեն Հայոց ցեղասպանության 100-րդ տարելիցի հետ, որին Հայաստանում եւ Սփյուռքում նախապատրաստվում են շատ հանգամանալից: Թուրքիան մտավախություն ունի, որ այնպիսի երկներ, ինչպիսինն Է Միացյալ Նահանգները, կարող են չդիմանալ ցեղասպանության մեկդարյա ծանրությանը եւ հայկական լոբբիի ճնշումներին, ու մեկ Էլ տեսար, ճանաչեն այն: Մի բան, որը կանխելու լավագույն ճանապարհը սահմանի բացման շուրջ սկսվող խոսակցությունն ու հայ-թուրքական հաշտեցման գործընթացի վերակենդանացումն Է: Եթե ՀՀ իշխանություններն այսօր ներքաշվեն նշված պրոցեսի մեջ, եւ Շվեյցարիային հաջողվի նրանց համոզել առնվազն սկսել բանակցությունները Թուրքիայի առաջարկությունների շուրջ, ապա այդ բանակցությունները կարող են երկար շարունակվել եւ 2015 թվականի բոլոր միջոցառումներին հակադրել «ապագային Է պետք նայել» եզրույթը: ԱՄՆ-ն Էլ կստանա իր ավանդական դարձած լեգիտիմ պատճառաբանությունն օգտագործելու հնարավորությունը, թե Ցեղասպանության ճանաչումով կվիժեցնի հայ-թուրքական հաշտեցման գործընթացը, ինչն անթույլատրելի Է: ՀՀ իշխանությունները, դատելով Դավութօղլոփ նոր կրեատիվ մոտեցմանը թեթեւակի արձագանքից, հակված չեն ընկնել թուրքական դիվանագիտության թակարդը: Եւ այնուամենայնիվ, աշխատանքային այցով Շվեյցարիայում գտնվող ՀՀ ԱԱԽ քարտուղարը երեկ հանդիպել Է Շվեյցարիայի նախագահ Ուլի Մաուրերի հետ, եւ ինչպես պաշտոնական հաղորդագրության մեջ Է ասվում, քննարկել Է նաեւ հայ- թուրքական հարաբերությունների հարցը: Արդյո՞ք շվեյցարական կողմը ընդառաջել Է Դավութօղլուի խնդրանքին, եւ փորձել Է «համոզել» հայկական կողմին, կպարզվի պատվիրակության վերադարձից հետո:
