Այսօր Գյումրիում Հայէկոնոմբանկն անցկացնում է նախատոնական ակցիաˋ շուրջ 30 կենսաթոշակառուներին տրամադրելով նվերներ եւ իրենց կենսաթոշակի չափով գումարներ:
«Ընտրել ենք 30 կենսաթոշակառուների, որոնք ապրում են տնակներում, միայնակ են կամ սոցիալապես անապահով վիճակում: Հիմնական թիրախը նրանք են եւ բոլորն էլ Գյումրիից են»,-Araratnews.am-ի հետ զրույցում ասում է Հայէկոնոմբանկի վարչության նախագահ Արմեն Նալջյանը:
Նա հավելում է, որ կենսաթոշակառուներին նվիրված այս ակցիան անցկացնում են արդեն երկրորդ տարին: Եկող տարի , ըստ Նալջյանի, հնարավոր է կենսաթոշակառուների թիվը մեծանա, ում համար իրենք պատրաստավում են նման հաճելի անակնկալներ մատուցել:
