Հայաստանի բնակչության 20%-ը կցանկանար տեղափոխվել մշտական բնակության Եվրոպայում, եթե նրան ընձեռնվեր նման հնարավորություն: Սա՝ ըստ Հայաստանում Gallup International-ի ներկայացուցիչ համարվող «Մարքեթինգի հայկական ասոցիացիա» ընկերության իրականացրած հարցման արդյունքների:
ԱՊՀ երկրներ մշտական բնակության կցանկանար մեկնել հայաստանցիների 9%-ը, ԱՄՆ՝ 6%-ը, այլ երկրներ՝ 1%-ը: Այսինքն՝ Հայաստանից արտագաղթելու ցանկություն ունի հարցվածների 36%-ը: 59%-ը տոկոսը նշել է, որ նման երկրներ չկան, իսկ 8%-ը դժվարացել է պատասխանել:
