Հայաստանում ՄԱԿ-ի Զարգացման ծրագրի (ՄԱԿԶԾ) մշտական ներկայացուցիչ Շոմբի Շարփը հայտարարել է, որ Հայաստանը կարող է մի քանի միլիարդ դոլարի ներդրումներ ներգրավել:
«Մենք ուսումնասիրեցինք մի քանի ոլորտ, որոնք կարող են տարեկան մինչև 1 միլիարդ դոլարի եկամուտներ ապահովել, և այնպիսի ոլորտներ, որոնք կարող են ձգտել այդպիսի ցուցանիշի»,- ասել է Շարփը «Հայաստանի ներդրումային քաղաքականության ուսումնասիրություն» զեկույցի շնորհանդեսի ժամանակ:
Նրա խոսքերով, հատկապես հեռանկարային են այնպիսի ոլորտները, ինչպիսիք են՝ բարձր տեխնոլոգիաները, արհեստական բանականությունը, տեքստիլը, գյուղատնտեսությունը և վերամշակող արդյունաբերությունը:
«Ես վստահ եմ, որ Հայաստանում հնարավոր են մի քանի միլիարդ դոլարի ներդրումներ, կան հետաքրքիր ոլորտներ»,- ասել է Շարփը:
Շարփի կարծիքով՝ սփյուռքը կարող է դառնալ հատուկ ռեսուրս Հայաստանում օտարերկրյա ներդրումների համար, մինչդեռ մյուս երկրներն այդպիսի առավելություն չունեն:
Ըստ ՄԱԿ-ի ներկայացուցչի՝ Հայաստանի աշխարհագրական դիրքը կարող է երկրի օգտին աշխատել, եթե օգտագործվեն «Հյուսիս-հարավ» միջանցքը և ԵԱՏՄ ներուժը:
