Ռուսաստանի Դաշնության արտակարգ իրավիճակների նախարար Վլադիմիր Պուչկովը հայտարարել է, որ Հայաստանն ու Ռուսաստանը կստեղծեն հումանիտար արձագանքման համատեղ կենտրոն։ Այս մասին հաղորդում է Interfax գործակալությունը։
«Վերջնական փուլում են գտնվում հայ-ռուսական համատեղ հումանիտար կենտրոնի ստեղծման աշխատանքները»,- հայտարարել է Պուչկովը ՌԴ ԱԻՆ-ում տեղի ունեցած հանդիպումից հետո, ուր ժամանել է հայկական պատվիրակությունը՝ մասնակցելու Սպիտակի երկրաշարժին նվիրված հիշատակի միջոցառումներին։
Ըստ նախարարի՝ այս կենտրոնի ստեղծումը նոր զարկ կտա Հայաստանի և Ռուսաստանի գերատեսչությունների միջև հարաբերություններին, կօգնի կողմերին՝ Հարավային Կովկասում արտակարգ իրավիճակների ժամանակ։
