Ֆուտզալի Հայաստանի հավաքականը Եվրոպայի 2022թ առաջնության ընտրական առաջին խաղում պարտվեց Բելգիայի ազգային թիմին:
Այս մասին տեղեկացնում է Բելգիայի ազգային թիմի «Ֆեյսբուքի» պաշտոնական էջը:
Բելգիական Հերելտանս քաղաքում կայացած հանդիպման առաջին խաղակեսն ավարտվեց ոչ-ոքի՝ 2:2: Մեր թիմից գոլերը խփեցին Կելսոնն ու Համլետ Մանուկյանը: Երկրորդ խաղակեսն անցավ դաշտի տերերի առավելությամբ, որոնք երեք անպատասխան գնդակ ուղարկեցին Լուան Բարբոսային պաշտպանած դարպասը և հաղթեցին 5:2 հաշվով:
Երկրորդ խաղը Հայաստանի հավաքականը կանցկացնի այսօր, հունվարի 30-ին, Չեռնագորիայի ընտրանու հետ, որն առաջին տուրի խաղում 9:2 հաշվով ջախջախել է Շոտլանդիայի ազգային թիմին:
